काठमाडौँ । अख्तियार दुरुपयोग अनुसन्धान आयोगका प्रमुख आयुक्त प्रेमकुमार राईसहित १० जना उच्च–प्रोफाइल व्यक्तिहरूको सुरक्षा संवेदनशीलता बढेपछि प्रहरीद्वारा विशेष निगरानी सर्कुलर जारी गरिएको छ।
उपत्यका प्रहरी कार्यालय, रानीपोखरीले बिहीबार ती व्यक्तिहरूको निवासस्थल, आवतजावत मार्ग र सार्वजनिक कार्यक्रमस्थलमा सुरक्षा सतर्कता कडा पार्न मातहत निकायहरूलाई निर्देशन दिएको हो।
सामाजिक सञ्जालमार्फत आफूलाई उग्रवादी संगठनको अध्यक्ष बताउने एक युवकले भिडियो सार्वजनिक गर्दै गम्भीर ज्यान मार्ने धम्की दिएपछि प्रहरी सक्रिय भएको हो। उक्त भिडियोमा उनले अख्तियार प्रमुख र पूर्व आईजीपीसहित विभिन्न राजनीतिक तथा सार्वजनिक व्यक्तित्वहरूलाई ‘सफाया’ गरिने चेतावनी दिएका छन्।
धम्की प्राप्त गर्ने व्यक्तिहरूमा लोकमान सिंह कार्की, गोपालबहादुर खड्का, रमेश लेखक, बालकृष्ण खाँण, आरजु राणा, ओमविक्रम राणा, हेमबहादुर गुरुङ, रमेशचन्द्र ठकुरी र दुर्गा प्रसाईं रहेका छन्।
प्रहरीले सम्भावित जोखिमलाई ध्यानमा राख्दै निगरानी कडा बनाइएको जनाएको छ भने धम्की दिने व्यक्ति बारे थप अनुसन्धान भइरहेको बताएको छ।
प्रहरी प्रधान कार्यालयको निर्देशनमा उपत्यका प्रहरी कार्यालयले काठमाडौँ, भक्तपुर र ललितपुरका प्रहरी युनिटहरूलाई सर्कुलर गर्दै धम्की दिएका व्यक्तिहरू सहभागी हुन े कार्यक्रमस्थलमा पन ि निगरानी गर्न र सूचना संकलन गर्न भनेको छ ।
उपत्यका प्रहरी कार्यालय रानीपोखरीले गरेको सर्कुलरमा भनिएको छ, ‘कथित उग्रवादी समूहहरूको गतिविधिबारे खबर संकलन गरेर सम्बन्धित प्रहरी कार्यालयको क्षेत्रमा बस्ने अन्य विशिष्ट व्यक्तिहरूको समेत प्रभावकारी सुरक्षा व्यवस्था मिलाउन ू ।’
स्रोत : अर्थसंजाल
