नेपालगञ्ज, ११ वैशाख २०८३– भन्सार छली गरी ल्याइएका करिब २० हजार ५ सय रुपैयाँ बराबरका फलफूल तथा तरकारी नेपालगञ्जमा बरामद भएका छन्।
प्रहरीका अनुसार शुक्रबार नेपालगञ्ज उप-महानगरपालिका-१० मा भन्सार छली तस्करी गरी ल्याइएका फलफूल र तरकारी लगायतका सामान फेला परेका थिए। बरामद सामानको अन्दाजी मूल्य रू. २०,५००/- रहेको छ।
बरामद गरिएका सामान आवश्यक कारबाहीका लागि भन्सार कार्यालय नेपालगञ्ज, बाँकेमा पठाइएको प्रहरीले जनाएको छ। सीमा क्षेत्रमा भन्सार छली नियन्त्रणका लागि प्रहरीले निगरानी बढाएको छ।
