सहकर्मी : सन्तोष शुक्ल
नेपालगन्ज – ११ चैत .२०८२ सीमावर्ती रुपैडिहा नाकामा बुधबार बिहान करिब १२:३० बजे ४२ औं वाहिनीको स्पेसल इन्टेलिजेन्सलाई विश्वसनीय स्रोतबाट सूचना प्राप्त भयो कि चकिया मोड बस स्ट्यान्डमा एक शंकास्पद केटा र एक बालिका बसेका छन्। सूचनाको आधारमा तत्काल कारबाही गर्दै सहायक उपनिरीक्षक तपन बरुवाको नेतृत्वमा टोली गठन गरी बस स्ट्यान्ड पठाइयो। चकिया मोड (प्राइभेट) बस स्ट्यान्ड पुगेर दुवै शंकास्पद व्यक्तिलाई पहिचान गरी सोधपुछ गरियो। सोधपुछका क्रममा बालिकाले आफ्नो नाम बसु भी.के. (१५ वर्ष) र केटाले नरेश कामी (१८ वर्ष) भएको बताउँदै जन्म प्रमाणपत्र पेश गरे। प्रारम्भिक सोधपुछमा दुवैले आफूलाई दाजु-बहिनी भने पनि फरक-फरक गाउँको नाम बताएपछि शंका उत्पन्न भएको बताए ।
शंकाका आधारमा दुवैलाई थप सोधपुछका लागि क्याम्पमा लगियो, जहाँ समवाय प्रभारी रुपैडिहाको निर्देशनमा मानव तस्करी रोधी इकाई (AHTU) र एनजीओ “देहात इन्डिया”को उपस्थितिमा गहन सोधपुछ गरिएको थियो। सोधपुछका क्रममा दुवैको बयान बारम्बार परिवर्तन भइरह्यो र एक-अर्काको परिवारबारे सही जानकारी दिन सकेनन्। केटाले पछि बताए कि ऊ बालिकालाई पुणेमा आफ्ना आमाबुबाकहाँ लैजान लागेको बताएको थियो।
जाँचका क्रममा बालिकाका परिवारसँग सम्पर्क गर्दा उनको बहिनीले बालिकाको सगाई अन्यत्र भइसकेको र उनी घरबाट कसैलाई नभनी अर्को व्यक्तिसँग गएको बताइन्। यसैगरी केटाका परिवारले पनि बालिकाबारे अनभिज्ञता प्रकट गरे। बयानमा निरन्तर विरोधाभास र परिवारबाट प्राप्त जानकारीका आधारमा यो घटना शंकास्पद मानव तस्करीको देखिएपछि एसएसबीले तत्काल कारबाही गर्दै नाबालिग बालिकालाई सकुशल उद्धार गरेको छ। पछि उनलाई नेपालस्थित एनजीओ “शान्तिपूर्ण स्थापना गृह” लाई जिम्मा लगाइएको छ भने शंकास्पद युवकलाई थप कारबाहीका लागि नेपाल प्रहरीलाई सुम्पिएको जनाएको छ।
४२ औं वाहिनी सशस्त्र सीमा बलको तत्परताले शंकास्पद मानव तस्करीको प्रयास असफल, नाबालिग बालिका सकुशल उद्धार गरिएको छ। श्री गंगा सिंह उदावत, कमान्डेन्ट, ४२ औं वाहिनी सशस्त्र सीमा बल, बहराइच-I को निरन्तर निगरानीमा भारत-नेपाल अन्तर्राष्ट्रिय सीमामा मानव तस्करीविरुद्ध सञ्चालित अभियानअन्तर्गत एसएसबीले एक महत्वपूर्ण सफलता हासिल गरेको छ।
